Ուրբաթ, 01 մարտի, 2024 թ.
|
Ստեփանակերտում`   +5 °C

Ի՞նչ են կառուցել հայերը Բաքվում. ԱԺ-ում բացվել է «Հայկական պատմամշակութային հետքը Բաքվում» ցուցահանդեսը

Ի՞նչ են կառուցել հայերը Բաքվում. ԱԺ-ում բացվել է «Հայկական պատմամշակութային հետքը Բաքվում» ցուցահանդեսը
741
Երեքշաբթի, 28 նոյեմբերի, 2023 թ., 22:06

Այսօր ԱԺ նիստերի դահլիճի հարակից սրահում տեղի է ունեցել «Հայկական պատմամշակութային հետքը Բաքվում» խորագրով ցուցահանդեսի բացում, որը կազմակերպվել է ԱԺ պատգամավոր Վիլեն Գաբրիելյանի նախաձեռնությամբ։

Ցուցահանդեսում ներկայացված լուսանկարների միջոցով ցուցադրվում է 20-րդ դարի սկզբում Բաքվի հայկական կրոնական և պատմամշակութային ժառանգությունը, այդ թվում՝ հայկական թաղամասերը, Բաքվի հայ մագնատների ժառանգությունը, հայ ճարտարապետների և ինժեներների հեղինակած շինությունները, առանձին ճարտարապետների աշխատանքներ։
Ինչպես իր բացման խոսքում նշեց «Գարդման-Շիրվան-Նախիջևան» համահայկական միության նախագահ, Ազգային ժողովի «Քաղաքացիական պայմանագիր» խմբակցության պատգամավոր Վիլեն Գաբրիելյանը, այս միջոցառնման նպատակը Բաքվում հայերի կողմից կառուցված պատմամշակութային ժառանգության կոթողները մատնանշելը և որպես ապացույց ներկայացնելն է։ Այժմ գույքագրման մեծածավալ աշխատանքներ են կատարվում, որպեսզի առավել ստույգ թվեր ունենանք։
Ցուցահանդեսը կգործի մինչեւ դեկտեմբերի 20-ը: