«Բեռնաթափել չի նշանակում Երևանը դարձնել հարուստների «դուքանը»». Արշակ Սարգսյան

Երևանի ավագանու «Մայր Հայաստան» խմբակցության անդամ Արշակ Սարգսյանի ֆեյսբուքյան գրառումը. «Երևանի կետրոնի բեռնաթափմանը դեմ լինելը շատ սխալ կլինի, ուղղակի նպատակը վարորդներից ահռելի փող կորզելը չպետք է լինի, այլ՝ մեր քաղաքացիների համար հարմարավետ պայմանների ստեղծումը։
Բեռնաթափել չի նշանակում Երևանը դարձնել հարուստների «դուքանը»:
Բեռնաթափել Երևանը խցանումներից նշանակում է ապահովվել բոլոր Երևանցիների համար հարմարավետ քաղաք, այլ ոչ թե՝ ով ունի շատ փող, նա պետք է հարմարավետ զգա մեր՝ բոլորիս Երևանում, իսկ ով հազիվ մի կերպ աշխատում է իր տունը պահելու համար, նա չպետք է հարմարավետ զգա իրեն։
Սա ռեստորան չէ, որ ով կարող է՝ կգնա, ով չի կարող չի գնա. սա հանրային նշանակության հարց է, հետևաբար բոլորը պետք է կարողանան իրենց թույլ տալ օգտվել խելացի առաջարկվող ծրագրերից։
Կարմիր գծերի դեմ լինելը կամ չլինելը երկրորդային է, պետք է ծրագիրն այնպես լինի, որ համ քաղաքացին ապրի ազատ իր Երևանում, համ քաղաքապետարանը կարողանա ճիշտ կառավարել այն։
Քաղաքապետարանը պետք է կատարի իր գործառույթներն այնպես, որ ապահովվի ժողովրդի բարեկեցիկ կյանքը՝ անկախ նրանից, թե ով է այդ քաղաքացին»: