Ուրբաթ, 23 փետրվարի, 2024 թ.
|
Ստեփանակերտում`   +2 °C

ԵՄ-ն կոնկրետ առաջարկներ կմշակի Հայաստանի զինված ուժերին աջակցելու համար

ԵՄ-ն կոնկրետ առաջարկներ կմշակի Հայաստանի զինված ուժերին աջակցելու համար
399
Երեքշաբթի, 05 դեկտեմբերի, 2023 թ., 23:48

Եվրոմիությունը մտադիր է Հայաստանի զինված ուժերին աջակցություն տրամադրելու վերաբերյալ կոնկրետ առաջարկներ մշակել: Այդ նպատակով Բրյուսելն առաջիկայում տեխնիկական առաքելություն կուղարկի Երևան՝ այսօր հայտարարել է Հայաստանում Եվրոմիության պատվիրակության ղեկավար, դեսպան Վասիլիս Մարագոսը, հաղորդում է «Լուրերը»:

Նա նաև շեշտել է՝ ԵՄ-ն պատրաստվում է ընդլայնել Հայաստանում գործող դիտորդական առաքելությունը: Այս տարվա փետրվարից Հայաստան եկած 100 հոգանոց առաքելությունը, ըստ Մարագոսի, նպաստել է սահմանային լարվածության թուլացմանը:

«Մենք պատրաստվում ենք տեխնիկական առաքելության այցին՝ այս տարվա վերջին կամ եկող տարեսկզբին՝ ոչ մահաբեր ձևաչափի աջակցության ոլորտում կոնկրետ առաջարկների մշակման համար: Եվրամիությունն ամբողջությամբ հասկանում է հայ հասարակության հետաքրքրությունը ռազմական ոլորտում Երևան-Բրյուսել գործակցությունը զարգացնելու առումով, մենք հասկանում ենք նաև առկա մտահոգությունները։ Դա է պատճառը, որ ցանկանում ենք դերակատարում ունենալ խաղաղության օրակարգում։ Հիմա մենք աշխատում ենք զարգացնելու համագործակցությունը «Եվրոպական խաղաղության շրջանակի միջոցով»,– ասել է Մարագոսը: