Քաղաքագետը՝ Հայաստանի և Ադրբեջանի ղեկավարների հայտարարության վերաբերյալ

Քաղաքագետ Սուրեն Սուրենյանցի ֆեյսբուքյան հրապարակումը. «Հայաստանի և Ադրբեջանի ղեկավարների աշխատակազմերի համատեղ հայտարարության վերաբերյալ.
* ուրախալի և ողջունելի է 32 հայ ռազմագերիների վերադարձի փաստը,
* խրախուսելի են քայլերը, որոնք կարող են վստահության միջավայր ձևավորել Հայաստանի և Ադրբեջանի միջև,
* մտահոգիչ է, որ գերիների (ձերբակալվածների) վերադարձը տեղի չի ունեցել «բոլորը՝ բոլորի դիմաց» սկզբունքով, ինչը գործընթացը վերածում է առևտրի, որը շահեկան է Ադրբեջանի համար,
* այն պարագայում, երբ գերիների վերադարձը տեղի չի ունեցել «բոլորը՝ բոլորի դիմաց» բանաձևով, տարակուսելի է, որ Բաքվին վերադարձվում է դատապարտյալ, որը պատիժը կրում է սպանության համար,
* Ադրբեջանը հետ է ստացել իր բոլոր զինծառայողներին, մինչդեռ մեր նվազագույնը մի քանի տասնյակ ռազմագերիներ շարունակելու են մնալ Ադրբեջանի պայմաններում: Հասկանալի չէ, թե ինչի՞ դիմաց է Ադրբեջանը նրանց վերադարձնելու Հայաստան,
* հայ-ադրբեջանական պայմանավորվածությունները շրջանցել են Արցախի պատանդառված ռազմաքաղաքական ղեկավարությանը, ինչը, մի կողմից, հուշում է, որ պաշտոնական Երևանն առանձնապես մտահոգ չէ այդ մարդկանց ճակատագրերով, մյուս կողմից՝ հերթական անգամ ապացուցում է, որ պաշտոնական Երևանը գնում է համաձայնությունների՝ Բաքվի օրակարգով ու պայմաններով»: