«Շուտով տարածաշրջանից դուրս կբերենք ամերիկյան ավիակիրը». Իրանի ռազմածովային ուժերի հրամանատար

Իրանի ռազմածովային ուժերի հրամանատար, կոնտր-ծովակալ Շահրամ Իրանին ասել է, որ արտատարածաշրջանային ուժերի ավիակիրները գտնվում են Պարսից ծոցում՝ դավադրություններ ստեղծելու նպատակով: «Մենք շուտով դրանք դուրս կբերենք տարածաշրջանից»»,- ասել է Իրանին ու ընդգծել, որ շատերն ասում էին, թե ամերիկյան ավիակիրը եկել է տարածաշրջան՝ հավասարակշռումը փոխելու: «Այնինչ նրանք եկել են դավադրություն ստեղծելու և իրենց կարիքները բավարարելու: Մենք այլևս ճնշման տակ չենք, և մենք կարող ենք ազդեցություն ունենալ»,- ընդգծել է նա։

«Նավատորմի 86-րդ առաքելությունից առաջ մենք Խաղաղ օվկիանոսը հատելու փորձ չունեինք, բայց որտե՞ղ ենք այսօր Իսլամական հեղափոխության շնորհիվ: Համաիրանական տորմիղային ականակիր է կառուցվել և շրջել ամբողջ աշխարհով մեկ»,- շեշտել է Իրանին: