Չորեքշաբթի, 22 ապրիլի, 2026 թ.
|
Ստեփանակերտում`   +12 °C

Մատենադարանը ձեռք է բերել 15-րդ դարի ձեռագիր

Մատենադարանը ձեռք է բերել 15-րդ դարի ձեռագիր
835
Հինգշաբթի, 14 դեկտեմբերի, 2023 թ., 19:54

Այսօր Մատենադարանում պաշտոնական միջոցառման ժամանակ Մատենադարանին է ընծայվել 15-րդ դարի մի ձեռագիր, որը շաբաթներ առաջ աճուրդի էր հանվել Եվրոպայում։ Մատենադարանի տնօրինության և կառավարության ձեռնարկած քայլերի արդյունքում ձեռագիրը հանվել է աճուրդից և ձեռք է բերվել Մատենադարանի համար։
Ինչպես իր խոսքում նշեց Մատենադարանի տնօրեն Արա Խզմալյանը, 620 տարի դեգերումից հետո ձեռագիրը տուն է վերադարձել և հանգրվանել նույն գրչի մեկ այլ ձեռագրի հարևանությամբ։ «Սա մեծագույն տոն է Մատենադարանի և հայագետների համար»,- նշել է նա։
Պաշտոնական արարողությամբ ձեռագիրը տեղադրվեց թանգարանի ցուցասրահում։

Մատենադարանին ընծայաբերվող ձեռագիրը գրվել է Վասպուրականի Առբերդի Սուրբ Աստվածածին վանքում, որը գտնվում է Նարեկավանքից ոչ հեռու և բացառիկ է այն հանգամանքով, որ Առբերդի հռչակավոր վանքից պահպանված եզակի ձեռագիր է ու հարուստ է նաև նկարազարդումներով՝ ավետարանիչների պատկերներ, կիսախորաններ, լուսանցազարդեր:

Այժմ ավերակ այս վանքում գրված ու ծաղկված մատյանը միակ վկան է այդ վանքում հայ ժողովրդի կերտած մշակույթի և զարգացած գրչական ավանդույթների: Ձեռագիրը գրել է Իզիտ անունով գրիչը 1405 թ., որից մեզ մինչ օրս հայտնի է եղել միայն մեկ Ավետարան՝ ընդօրինակված Նարեկավանքում 1420 թ., և որը պահվում է Մատենադարանում:

Եվ այսօր՝ հարյուրավոր տարիներ անց, նույն գրչի երկու ձեռագրերը գտնվում են Մատենադարանում:

Մատենադարանը ձեռք է բերել 15-րդ դարի ձեռագիր
Մատենադարանը ձեռք է բերել 15-րդ դարի ձեռագիր

Կարդացե՛ք նաև