Զախարովան Հայաստանին մեղադրել է «Լաչինի միջանցքով ԼՂ զենք մատակարարելու», այնտեղից «հայկական զինված ստորաբաժանումները դուրս չհանելու» համար

Երևանի մի շարք գործողությունների պատճառով հնարավոր չեղավ ամբողջությամբ իրականացնել եռակողմ պայմանավորվածությունները, այսօր իր հայտարարության մեջ նշել է ՌԴ ԱԳՆ պաշտոնական ներկայացուցիչ Մարիա Զախարովան։ «Մենք արդեն նշել ենք այս կետերը։ Բանն այն է, որ հայկական կողմը 2022 թվականի հոկտեմբերին Պրահայում ԵՄ հովանու ներքո անցկացվող գագաթնաժողովում 180 աստիճանով փոխել է իր դիրքորոշումը Ղարաբաղի հարցում՝ ճանաչելով նրա պատկանելությունն Ադրբեջանին և «մոռանալով»՝ Եվրոմիության խորհրդականների դրդմամբ, գոնե նշել տարածաշրջանի հայ բնակչության իրավունքների և անվտանգության պատշաճ ապահովման անհրաժեշտությունը։ Այս որոշումն արմատապես փոխեց իրավիճակն այն տարածքում, որտեղ տեղակայված է ռուսական խաղաղապահ զորախումբը։
Բացասական ազդեցություն են թողել նաև հայկական կողմից Լաչինի միջանցքի օգտագործումը՝ Ղարաբաղին զենք մատակարարելու համար՝ խախտելով եռակողմ պայմանավորվածությունները, և Երևանի չցանկանալը՝ ապահովել հայկական զինված ստորաբաժանումների ամբողջական դուրսբերումը տարածաշրջանից, ինչը մեծապես հանգեցրել է բախումների այս տարվա սեպտեմբերին»,- նշել է Զախարովան։