«Դալմայի այգիների» հնձանի 3D վերակազմությունը

924

Երկուշաբթի, 18 դեկտեմբերի, 2023 թ., 19:48

Վերջերս հնագետների կողմից պեղված՝ «Դալմայի այգիների» հնձանները մեծ հետաքրքրություն են առաջացրել հանրության շրջանում։ 19-րդ դարից մեզ հասած գինու 6 հնձանները կիսավեր և բարձիթողի վիճակում էին գտնվում։

Քանի որ տարածքը նաև ժամանակին բնակեցվել է, շինությունները օգտագործվել են՝ որպես գոմ։ Պեղումների արդյունքում հնարավոր է դարձել պատկերացում կազմել, թե ինչպես են հնում խաղողից գինի ստացել։ Բավականին հաստ պատերով հնձանը ցածր միջնորմ պատուհաններով կապված է եղել մառանի հետ, որտեղից հնարավոր է եղել փոխանցել խաղող և գինի։

«Դալմայի այգիները» կառուցվել են 15-րդ դարում Երևանի վերջին սարդար Հուսեին խանի կողմից։ Այգին 790 հեկտար տարածք է զբաղեցրել և 80 տեսակի խաղող են մշակել այստեղ։ Սակայն 2000-ականներին այգիները հանրային գերակա շահ են ճանաչվել և տարածքում սկսել են շինարարություն իրականացվել։