Նյու Ջերսի նահանգը մտադիր է պատժամիջոցներ սահմանել Ադրբեջանի դեմ

ԱՄՆ Նյու Ջերսի նահանգի դեմոկրատ սենատոր Էնդրյու Ցվիգերը նոյեմբերի 30-ին ներկայացրել է N4107 օրինագիծը, որը ենթադրում է Ադրբեջանի դեմ պատժամիջոցներ՝ մարդու իրավունքների խախտումների և առաջին հերթին հայտնի գիտնական-տնտեսագետ Գուբադ Իբադօղլուի ձերբակալության պատճառով: Ինչպես հաղորդում է Turan-ը, օրինագիծն արդեն ներառվել է նահանգի Սենատի հանձնաժողովի օրակարգում:

«Պարոն Իբադօղլուն հարգված տնտեսագետ է, որը խթանում է հանրային ֆինանսների լավ կառավարումն ու թափանցիկությունը: Նա կիսվել է իր փորձով ամբողջ աշխարհում: Բացի իր գիտական գործունեությունից՝ Իբադօղլուն քաղաքական հայտնի ակտիվիստ է, ով քննադատել է Ադրբեջանի կառավարությանը»,- ասվում է փաստաթղթում: