Թուրքական բանակն ու զրահատեխնիկան շարժվում են Սիրիա

Թուրքիայի զինված ուժերի բազմաթիվ զրահամեքենաներ զինվորներ հատել են Սիրիայի պետական ​​սահմանը և շարժվում են դեպի Իդլիբ նահանգ։ Այս մասին հայտնում են թուրքական հեռուստաալիքները։

Թուրքական զրահամեքենաները հատել են Սիրիայի սահմանը դեպի Գազիանթեփ և Իսլահիե շրջաններ։ Թուրքիայի պաշտպանության նախարարությունը դեռ չի մեկնաբանել տեղի ունեցողը։

Նախկինում Անկարան բազմիցս նախազգուշացրել է թուրքական բանակի՝ Սիրիայի հյուսիսում նոր անդրսահմանային գործողություն սկսելու պլանների մասին՝ Քրդստանի աշխատավորական կուսակցության/Ժողովրդական դիմադրության ստորաբաժանումների (PKK/YPG) մարտական ​​զորախմբերի դեմ։
Իսկ վերջերս հայտնի դարձավ, որ ԱՄՆ-ն կազմակերպել է հակաօդային պաշտպանության համակարգերի մատակարարում Սիրիայի դեմոկրատական ​​ուժերի ստորաբաժանումներին, որոնք կազմավորվել են PKK/YPG զինյալներից։ Այս կապակցությամբ Անկարան մտավախություն ունի, որ հնարավոր ռազմական գործողությունների դեպքում քրդական ուժերին փոքր հեռահարության զենիթահրթիռային համակարգերով զինելը կարող է մեծացնել «Բայրաքթար» հարձակողական անօդաչու սարքերի հակազդեցության մակարդակը։

Նշենք, որ վերջին ամիսներին ԱՄՆ-ն նաև լրացուցիչ տեխնիկա և կենդանի ուժ է մտցրել Սիրիայի հյուսիսում տեղակայված իր ռազմակայաններ:

Բացի այդ, Իրանի Իսլամական Հանրապետությունը նույնպես մեծացնում է իր ռազմական ներկայությունը Սիրիայի հյուսիսում։