«Ադրբեջանն ու Հայաստանը պատրաստակամ են` խաղաղության պայմանագիրը վերջնական տեսքի բերելու». Պեսկով

3003

Երեքշաբթի, 26 դեկտեմբերի, 2023 թ., 20:06

Բաքուն և Երևանը պատրաստ են ավարտին հասցնել խաղաղության պայմանագիրը, Առաջին ալիքի եթերում հայտարարել է ՌԴ նախագահի մամուլի քարտուղար Դմիտրի Պեսկովը։

Հարցին, թե արդյոք սարսափելի չէ «հակառակորդ կողմերի» հավաքվելը, Կրեմլի ներկայացուցիչը պատասխանել է. «Նրանք հակամարտող կողմեր չեն, նրանք հայտարարում են իրենց լիակատար պատրաստակամությունը՝ հանգելու մեկ փաստաթղթի, ավարտին հասցնելու խաղաղ բանակցությունները, հասնելու մեկ միասնական փաստաթղթի՝ խաղաղության պայմանագրի: Այստեղ ոչ մի ռիսկ չկա»։

Դեկտեմբերի 26-ին Սանկտ Պետերբուրգում անցկացվում է ԱՊՀ-ի ոչ պաշտոնական գագաթնաժողովը, որին մասնակցում են նաև Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը։