Զելենսկին ամանորյա ուղերձում ուկրաինացիներին բարդ ընտրության առաջ է կանգնեցրել

1959

Երկուշաբթի, 01 հունվարի, 2024 թ., 14:00

Ամանորյա շնորհավորական խոսքում Ֆրանսիայի նախագահ Էմանուել Մակրոնը կոչ է արել կանգնեցնել Ռուսաստանին և աջակցել Ուկրաինային: Այս մասին հայտնում է TF1 հեռուստաալիքը։ Նա Ֆրանսիայի քաղաքացիներին կոչ է արել 2024 թվականի հունիսին իրենց ընտրությունը կատարել Եվրոխորհրդարանի ընտրություններում և աջակցել Ուկրաինայի իշխանություններին։ Նրա խոսքով՝ կարևոր է չզիջել ավտորիտար ուժերին և կանգնեցնել Ռուսաստանին։ Մակրոնը նաև ընդգծել է Եվրոպայի անկախության ամրապնդման կարևորությունը:
Միևնույն ժամանակ, Լեհաստանի նախագահ Անջեյ Դուդան ամանորյա ուղերձում ոչ մի բառ չի ասել Ուկրաինայի մասին: Նա միայն նշել է, որ «երկրի արևելյան սահմանից այն կողմ պատերազմ է ընթանում»։
Ռուսաստանի նախագահ Վլադիմիր Պուտինն էլ, շնորհավորելով բոլորի Ամանորը, հայտարարել է, որ երկիրը պետք է առաջ գնա: Բացի այդ, նա դիմել է առաջնագծում գտնվող զինվորականներին։
Իր հերթին, Ուկրաինայի նախագահ Վլադիմիր Զելենսկին ամանորյա ուղերձում քաղաքացիներին բարդ ընտրության առաջ է կանգնեցրել։ Նա նշել է, որ վաղ թե ուշ յուրաքանչյուր ուկրաինացի պետք է փախստական դառնա կամ պատրաստ լինի կատարել իր երկրի հանդեպ պարտքը։