Կիևում հունվարի 1-ը սգո օր է հայտարարվել

912

Երկուշաբթի, 01 հունվարի, 2024 թ., 15:48

Ռուսաստանի կողմից զանգվածային հրթիռակոծությունից հետո Կիևում սգո օր է հայտարարվել։ Այն կգործի հունվարի 1-ին։ Այս մասին Telegram-ի իր ալիքում հայտնել է Կիևի քաղաքապետ Վիտալի Կլիչկոն:
Նրա խոսքով, դեկտեմբերի 29-ին հակառակորդի հարձակումը զոհերի թվով ամենամեծն էր երկրի խաղաղ բնակչության շրջանում: «16 զոհի մարմին դուրս են բերվել Շևչենկովսկի շրջանի պահեստային շինության փլատակներից։ Փրկարարները շարունակում են աշխատել տեղում»,- հայտնել է Կլիչկոն։
Հիշեցնենք, որ Զապորոժիեում դեկտեմբերի 29-ի առավոտյան Ռուսաստանի կողմից իրականացված հրթիռային հարվածից զոհերի թիվը հասել է 9-ի, դեկտեմբերի 30-ին քաղաքում սգո օր էր հայտարարված: Նաև սգո օր է հայտարարվել Օդեսայում և Դնեպրում։