«2024-ին Ռուսաստանի հետ հակամարտության կենտրոն կդառնան Ղրիմն ու Սև ծովը»․ Զելենսկի

1597

Երեքշաբթի, 02 հունվարի, 2024 թ., 11:48

2024 թվականին Ռուսաստանի հետ հակամարտության կենտրոն կդառնան Ղրիմն ու Սև ծովը։ Այս մասին հայտարարել է Ուկրաինայի նախագահ Վլադիմիր Զելենսկին՝ The Economist-ին տված հարցազրույցում։
«Ուկրաինայի համար չափազանց կարևոր է մեկուսացնել Ղրիմը և այնտեղ խարխլել Ռուսաստանի ռազմական հնարավորությունները։ Ուկրաինայի զինված ուժերի ապագա գործողությունն օրինակ կդառնա ամբողջ աշխարհի համար։ Ինչ վերաբերում է ցամաքային զորքերին, ապա դրանց խնդիրը կլինի արևելքը պաշտպանելը, շատ կարևոր քաղաքներ՝ Խարկովը, Դնեպրը, Զապորոժիեն, Խերսոնը, Նիկոլաևը փրկելը, ինչպես նաև երկրի կարևոր ենթակառուցվածքը պաշտպանելը»,- ասել է Զելենսկին։