«Օղակաձև այգում թենիսի կորտեր չպետք է լինեին»․ Ավինյան

Երևանի քաղաքապետարանում ընթացող գործակարգավարական հերթական խորհրդակցության ժամանակ քաղաքապետ Տիգրան Ավինյանն ասաց, որ Օղակաձև այգու 4-րդ հատվածը կվերակառուցվի։ Նրա խոսքով՝ այդ տարածքը կառուցապատված է խառը. «Առաջարկվում է այգին վերականգնել, այգու տրամաբանության մեջ դնել: Ինքս երկար տարիներ պարապել եմ թենիս: Հիմա, երբ Օղակաձև այգու տրամաբանությունը նայում ենք, այդտեղ թենիսի կորտերն իրականում չպետք է լինեին, այգին պետք է լիներ այգի: Հետևապես, բոլոր այն հատվածներում, որտեղ այգու տարածքներ են, պետք է վերադարձնենք երևանցիներին»: