Թրամփը պահանջում է Օսթինի պաշտոնանկությունը

ԱՄՆ նախկին նախագահ Դոնալդ Թրամփը պահանջում է անհապաղ պաշտոնանկ անել պաշտպանության նախարար Լլոյդ Օսթինին։ Այս մասին նա գրել է իր Truth Social սոցցանցում, հայտնում է New York Post-ը։
«Նա մեկ շաբաթ անհետացել էր, և ոչ ոք գաղափար չուներ՝ որտեղ է»,- գրել է Թրամփը։
Նախորդ շաբաթվա սկզբին Օսթինը հոսպիտալացվել էր, սակայն Պենտագոնն այդ մասին հայտնել էր միայն ուրբաթ օրը՝ նշելով, որ նա արդեն վերադառնում է աշխատանքի։