Ջերմուկում, Սիսիանում կան փակ ավտոճանապարհներ, Գորիսում բուք է

«Ճանապարհային դեպարտամենտ» հիմնադրամից հայտնում են․ «Հունվարի 12-ին՝ ժամը 20։25-ի դրությամբ, առատ ձյան և բքի պատճառով Ջերմուկի խաչմերուկից մինչև Սիսիանի խաչմերուկ հատվածը, Լծեն- Տաթև և Տաթև - Աղվանի ավտոճանապարհները փակ են կցորդով տրանսպորտային միջոցների համար։

Գորիսի, Աշոցքի, Արթիկի, Ապարանի, Սպիտակի, Վարդենիսի, Հրազդանի, Սևանի, Գավառի տարածաշրջաններում ձյուն է տեղում։

Գորիսի, Սիսիանի տարածաշրջանների ավտոճանապարհներին բուք է։

Վարդենյաց լեռնանցքը փակ է կցորդով տրանսպորտային միջոցների համար, իսկ մյուս տեսակի տրանսպորտային միջոցների համար՝ դժվարանցանելի։

Միջպետական և հանրապետական նշանակության մյուս ավտոճանապարհները բաց են:

Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:

Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով»։