«Նիկոլայ Ծատուրյան, Վլադիլեն Բալյան, Դավիթ Բաբայան. մի՞թե որևէ մեկս ճանաչում է». փոխնախարար

«Մի քանի ազգանուններ ընթերցեմ՝ Ծատուրյան Նիկոլայ, Բալյան Վլադիլեն, Բաբայան Դավիթ, Միրզոյան Փարավոն, Սողոյան Ֆրիդրիխ, ամենայն հարգանքով այս արժանավորագույն մարդկանց նկատմամբ, կարող էի ցանկն ընդլայնել, որևէ մեկս մի՞թե ճանաչում է այս անձանց՝ որպես ժողովրդական. ժողովրդի մեծամասնությունն իրոք չի ճանաչում»,- «ՀՀ պետական պարգևների ու պատվավոր կոչումների մասին» օրենքում փոփոխություններ կատարելու նախագծերի փաթեթի քննարկման ժամանակ ասաց Արդարադատության նախարարի տեղակալ Արմենուհի Հարությունյանը: Դահլիճում աղմուկ բարձրացավ: «Պետության կողմից խրախուսելու համար որևէ ոլորտի մասնագետի, պարտադիր չէ նրան շնորհել ժողովրդականի կոչում ու համարել, որ ժողովրդականությունն ապահոված է»,- շարունակեց պաշտոնյան: