Լիբանանի կառավարությունը հրամայել է գերատեսչություններին պատրաստ լինել պատերազմի

Լիբանանի մի շարք գերատեսչություններ իշխանություններից հրահանգ են ստացել պատրաստ լինել Իսրայելի հետ պատերազմի հնարավոր մեկնարկին: Երկրի կառավարության այս կարգադրության մասին հայտնում է Bloomberg-ը՝ վկայակոչելով աղբյուրներին:

Նշվում է, որ նման հրամաններ են ստացել Լիբանանի մի քանի նախարարություններ և հիվանդանոցներ:

Ավելի վաղ ԶԼՄ-ները գրել էին, որ անցյալ տարվա հոկտեմբերի 8-ից ի վեր Լիբանանն Իսրայելի ուղղությամբ արձակել է ավելի քան 2 հազար հրթիռ և 350 անօդաչու թռչող սարք: Գրոհների հետևանքով զոհվել է 12 զինծառայող և 7 բնակիչ, վիրավորվել՝ 170 բնակիչ: