Հյուսիսային Կորեան ստորջրյա միջուկային զենք է փորձարկել

Հյուսիսային Կորեան Ճապոնական ծովում փորձարկել է «Հէիլ 5-23» ստորջրյա միջուկային զենքը, հաղորդում է Կորեայի կենտրոնական հեռագրային գործակալությունը՝ հղում կատարելով Հյուսիսային Կորեայի պաշտպանության նախարարությանը:

Նշվում է, որ սա Հյուսիսային Կորեայի պատասխանն է՝ Արևելաչինական ծովում ԱՄՆ-ի, Հարավային Կորեայի և Ճապոնիայի զորավարժություններին:

Երեք երկրների ռազմածովային զորավարժությունները սկսվել են հունվարի 15-ին և տևել երեք օր: Զորավարժություններին մասնակցել է ութ ռազմանավ, այդ թվում՝ Carl Vinson ավիակիրը, Princeton հածանավը և այլն: