Աջափնյակի մետրոյի կառուցմանը գործարարների՞ն են որոշել ներգրավել. «Հրապարակ»
955 Շաբաթ, 20 հունվարի, 2024 թ., 09:48 «Հրապարակ»-ը գրում է․ «Հանրային ներդրումների կոմիտեում առաջիկայում մենք սպասում ենք մետրոյի «Աջափնյակ» կայարանի կառուցման շուրջ քննարկում, որից հետո նախագիծը կգա կառավարության նիստ»,- կառավարության՝ հունվարի 18-ի նիստի ժամանակ ասաց ՀՀ վարչապետ Նիկոլ Փաշինյանը և, խոսքն ուղղելով Երեւանի քաղաքապետ Տիգրան Ավինյանին, հետաքրքրվեց, թե իրատեսակա՞ն է այս տարի մրցույթ հայտարարելը: Հիշեցնենք, որ արդեն մոտ 5 տարի է՝ իշխանությունն «Աջափնյակ» կայարանն ավարտին հասցնելու մասին է խոսում, սակայն այդպես էլ այն կյանքի չի կոչվում, այլ մայրաքաղաքի ընտրությունների ժամանակ դառնում է փիառ-թեմա, որը ներկայացնում են գրեթե բոլոր թեկնածուները՝ խոստանալով ավարտին հասցնել: Ընդ որում, այդ կայարանի կառուցման աշխատանքների մեծ մասն իրականացվել է սովետական տարիներին, ու հիմա պետք է ընդամենը ավարտին հասցվի կիսատը։ Մենք տեղեկացանք, որ քաղաքապետ Տիգրան Ավինյանը որոշել է «Աջափնյակ» կայարանի կառուցման ծախսերին մասնակից դարձնել հայրենի գործարարներին՝ նրանցից ոմանց «վզին դնելով» այդ կայարանի կառուցման համաֆինանսավորման գործը: Մեր տեղեկություններով՝ գործարար Արտակ Սարգսյանին՝ ՍԱՍ-ի սեփականատիրոջն են առաջարկել ներդրում անել՝ 20 միլիոն դոլարի չափով, ու նա կարծես թե համաձայնել է, այլ գործարարների ներգրավելու ծրագրեր էլ կան։ Երևանի քաղաքապետարանից «Հրապարակի» այն հարցին, թե կա՞ նման ծրագիր, որ գործարարները ներգրավվեն «Աջափնյակ» կայարանի կառուցմանը, խոսնակ Հայկ Կոստանյանն ասաց, որ չունի նման տեղեկություն։ «Ես կճշտեմ՝ հասկանալու համար՝ առհասարակ կա՞ նման պրակտիկա, թե՞ չկա: Մինչ այս պահը որևէ նվիրատվություն չի եղել: Իսկ ինչ վերաբերում է հետագային, դա նույնն է, որ ասենք՝ վաղը կարող է հրդեհ լինել: Ես ի՞նչ կարող եմ ասել, կլինի՞ հրդեհ, թե՞ ոչ»,- ասաց Կոստանյանը: Իսկ ի՞նչ միջոցներով է քաղաքապետարանը պատրաստվում կառուցել «Աջափնյակ» կայարանը։ «Դեռեւս հստակ չէ, քննարկման փուլում է, դեռ որոշում չկա»,- նշեց նա»։ |
Փակվել է Երևան-Աշտարակ մայրուղին (տեսանյութ)
75725.04.2024, 21:18««Այլընտրանքային» հռչակվող ճանապարհից մինչև թշնամին կլինի մոտ 20 մետր». Վարդան Ոսկանյան (լուսանկար)
79325.04.2024, 19:30Այսօր և վաղը Երևանում մի շարք փողոցներ փակ կլինեն
88723.04.2024, 13:18Ավտոերթ Լոս Անջելեսում՝ հաջակցություն տավուշցիների (լուսանկար)
79722.04.2024, 09:30Երթևեկության կազմակերպման փոփոխություն՝ Կոմիտասի պողոտա-Գյուլբենկյան փողոցի խաչմերուկում
83421.04.2024, 22:48Փլվածք է տեղի ունեցել Լծեն-Տաթև հատվածում. ճանապարհը երկկողմանի փակ է (տեսանյութ)
78721.04.2024, 22:06Տավուշում ստեղծված իրավիճակով պայմանավորված՝ ժամանակավորապես փոխվել է Երևան-Թբիլիսի երթուղին
71621.04.2024, 14:00ՃՈ խախտումներն էլեկտրոնային ծանուցմամբ ստանալու դեպքում տուգանքի գումարը կնվազի 20 տոկոսով. հայտնի է գրանցվելու կարգը
69220.04.2024, 21:06