«Զրոյացվող պետական քաղաքականություն, զրոյացվող դիվանագիտություն, կատարյալ անկում». Նարինե Դիլբարյան

Հայոց լեզվի պատմության ամբիոնի դոցենտ Նարինե Դիլբարյանը ֆեյսբուքյան իր էջում գրել է. «Զրոյացվող պետական քաղաքականություն, զրոյացվող դիվանագիտություն, կատարյալ անկում։ Նիկոլյան «խաղաղության խաչմերուկը» վերածվում է անձնատվության փակուղու։ Ահա ադրբեջանի ԱԳՆ պատասխանը ՔՊ բարի կամքին. «Ներկայացված քարտեզներն անօգուտ են, թերի և չեն արտացոլում իրական իրավիճակը…. այդ քայլը (նոր քարտեզներ տրամադրելը- Ն.Դ.) չի կարող դիտարկվել որպես վստահության ամրապնդման միջոց»։ Ի պատասխան՝ ՀՀ ԱԳՆ-ը լալահառաչ ինքնախոստովանությունը՝ «այս նախաձեռնությունն ադրբեջանական կողմն անմիջապես խիստ բացասական և հեգնական ձևով ընդունեց, ինչը զրոյացնում է վստահության ամրապնդմանն ուղղված Հայաստանի ջանքերը»։ Արդյոք որքա՞ն կարելի է նվաստանալ հակառակորդ պետության առաջ, իրենք դեռ ոչինչ, անձնական ընտրություն է, մի ողջ պետություն-հայրենիք նվաստացնել, ձեւախեղել, պատմությունը կեղծել, հանձնել-հանձնվել օտարի կամքին, միայն թե մնան իշխանության։ Այսպես չպիտի լինի։ Զրոյացումը վերջն է»։