«ԱՄՆ-ը չի հանդուրժի Մերձավոր Արևելքում իր ուժերի վրա հարձակումները». Օսթին

Պենտագոնի ղեկավար Լլոյդ Օսթինը հայտարարել է, որ ԱՄՆ-ը չի հանդուրժի Մերձավոր Արևելքում իր ուժերի վրա հարձակումները և կպատասխանի դրանց:

Նրա խոսքով՝ ամերիկացի զինծառայողների վրա շարունակվող հարձակումների պատասխանատվությունը կրում են Իրանի աջակցությունը վայելող ուժերը:

«Մենք կձեռնարկենք անհրաժեշտ բոլոր քայլերը՝ ԱՄՆ-ին և մեր ուժերին պաշտպանելու համար»,- Օսթինի խոսքը մեջբերում է РИА Новости-ն:

Ավելի վաղ Իրանի արտգործնախարար Հոսեյն Ամիր Աբդոլլահիանը հայտարարել է8, որ ԱՄՆ-ը և Մեծ Բրիտանիան «ռազմավարական սխալ են գործել՝ հարվածելով Եմենին»: