Շաբաթ, 04 հուլիսի, 2026 թ.
|
Ստեփանակերտում`   +20 °C

Ամերիկացի սենատորը կոչ է արել պատասխանել Իրանի հարվածներին

Ամերիկացի սենատորը կոչ է արել պատասխանել Իրանի հարվածներին
1725
Երկուշաբթի, 29 հունվարի, 2024 թ., 10:18

Հարավային Կարոլինա նահանգի սենատոր Լինդսի Գրեհեմը Մերձավոր Արևելքում ամերիկյան ռազմակայաններից մեկի վրա հարձակման հետ կապված հանդես է եկել կոչով: Նա նախագահ Ջո Բայդենի վարչակազմին կոչ է արել հարվածներ հասցնել Իրանի տարածքին:

«Կոչ եմ անում վարչակազմին՝ հարվածներ հասցնել Իրանի ներսում գտնվող կարևոր օբյեկտներին ոչ միայն մեր զինվորների սպանության հատուցման, այլև հետագա ագրեսիան զսպելու համար»,- ասվում է կոնգրեսականի հրապարակած հայտարարության մեջ:

Հունվարի 28-ին ԱՄՆ ԶՈՒ Կենտրոնական հրամանատարությունը հայտնել էր, որ Հորդանանում՝ Սիրիայի հետ սահմանի մոտ, ամերիկյան ռազմաբազայի վրա հարձակում է իրականացվել իրանամետ խմբավորումներից մեկի կողմից: Անօդաչուներով հարձակման հետևանքով զոհվել է ամերիկացի 3 զինծառայող, ևս 25-ը վիրավոր է:

Կարդացե՛ք նաև