Երկուշաբթի, 09 հունիսի, 2025 թ.
|
Ստեփանակերտում`   +17 °C

Արարատում գտնվող պուրակից հեռացվել են ազգային հերոսների նկարները. «Հրապարակ»

Արարատում գտնվող պուրակից հեռացվել են ազգային հերոսների նկարները. «Հրապարակ»
607
Շաբաթ, 10 փետրվարի, 2024 թ., 09:54

«Հրապարակ»-ը գրում է․ «Երեկ հայտնի դարձավ, որ ԿԳՄՍՆ-ն դպրոցներին հրահանգել է՝ հեռացնել փառքի անկյունները, հուշատախտակները, որտեղ ազատամարտիկների, ազգային հերոսների, զոհված զինծառայողների նկարներն են փակցված։ Արարատի բնակիչներից մեկը մեզ տեղեկացրեց, որ քաղաքի կենտրոնում գտնվող պուրակից հեռացվել են ազգային հերոսների նկարները։
Մենք զանգահարեցինք Արարատի համայնքապետարան և աշխատակազմի ղեկավարից փորձեցինք ճշտել՝ հավաստի՞ է այդ տեղեկությունը, սակայն նրանից պատասխանի փոխարեն հանդիմանանքներ ստացանք. «Դուք տեսե՞լ եք էդ պուրակը, եկեք տեսեք, նոր հարցեր տվեք, ով ինչ ասի, պիտի զանգեք հարցե՞ր տաք»։

Արարատի բնակիչը մեզ փոխանցեց, որ նկարները եղել են քաղաքի կենտրոնում, որտեղ տեղադրված է Վազգեն Սարգսյանի արձանը։ «Այդտեղով կա երկկողմանի ճանապարհ, որը դուրս է գալիս դեպի Արարատի հիվանդանոց, այդ 2 ճանապարհի արանքում, գազոնների մեջ ազգային բոլոր հերոսների նկարներն էին փակցված...»,- ասաց քաղաքացին։

Արարատի մեկ այլ բնակչի ևս նույն հարցը տվեցինք՝ նկարները հանվե՞լ են քաղաքից։ Ասաց, որ նկարները հանվել են և՛ հրապարակից, և՛ հիվանդանոցի մոտից»։

Կարդացե՛ք նաև