Իսրայելը Բրազիլիայի նախագահին «անցանկալի անձ» է հայտարարել

1447

Երկուշաբթի, 19 փետրվարի, 2024 թ., 15:36

Իսրայելի ԱԳՆ-ը Բրազիլիայի նախագահ Լուիս Ինասիու Լուլու դա Սիլվային «պերսոնա նոն գրատա» է հայտարարել՝ Գազայի հատվածում պատերազմը Հոլոքոստի հետ համեմատելու պատճառով, գրում է i24news.tv-ը:

«Մենք չենք մոռանա և չենք ների: Իսրայելի քաղաքացիների անունից տեղեկացրեք նախագահ Լուլային, որ նա անցանկալի անձ է Իսրայելում, քանի դեռ հետ չի կանգնել իր խոսքերից»,- ասվում է Իսրայելի ԱԳՆ-ի հայտարարության մեջ:

Օրերս Բրազիլիայի նախագահը հայտարարել էր, որ պաղեստինցի ժողովրդի հետ տեղի ունեցող իրադարձությունները պատմության մեջ նմանը չունեն, բացառությամբ այն ժամանակների, երբ «Հիտլերը որոշեց սպանել հրեաներին»: Լուլա դա Սիլվան ընդգծել է, որ Գազայի հատվածում տեղի ունեցող իրադարձությունները «ոչ թե պատերազմ են, այլ ցեղասպանություն»: