Հինգշաբթի, 26 դեկտեմբերի, 2024 թ.
|
Ստեփանակերտում`   0 °C

Պուտինը Կիմ Չեն Ընին ավտոմեքենա է նվիրել

Պուտինը Կիմ Չեն Ընին ավտոմեքենա է նվիրել
1241
Երեքշաբթի, 20 փետրվարի, 2024 թ., 10:18

Ռուսաստանի նախագահ Վլադիմիր Պուտինը Հյուսիսային Կորեայի նախագահ Կիմ Չեն Ընին ռուսական արտադրության ավտոմեքենա է նվիրել, հաղորդում է Կորեայի կենտրոնական հեռուստաընկերությունը:

Ապրանքանիշը և մոդելը չեն նշվում:

Անցյալ տարվա սեպտեմբերին Ռուսաստան կատարած այցի ժամանակ Կիմ Չեն Ընը հետաքրքրվել էր Aurus ավտոմեքենայով:

Հեռուստաընկերությունը նշում է, որ փետրվարի 18-ին Կիմ Չեն Ընի համար նվերը ստացել են նրա քույրը՝ Կորեայի Բանվորական կուսակցության կենտկոմի բաժնի վարիչի տեղակալ Կիմ Յո Չժոնը, ինչպես նաև Կենտկոմի քարտուղար Պակ Չոն Չհոնը: Կիմ Յո Չժոնը նշել է, որ այս նվերը «երկու երկրների առաջնորդների միջև հաստատված հատուկ բարեկամական հարաբերությունների հստակ վկայություն է»։