Հինգշաբթի, 18 դեկտեմբերի, 2025 թ.
|
Ստեփանակերտում`   +4 °C

Մոսկվայում Հայաստանի պահանջով ադրբեջանցի մարզիչ է ձերբակալվել

Մոսկվայում Հայաստանի պահանջով ադրբեջանցի մարզիչ է ձերբակալվել
983
Չորեքշաբթի, 21 փետրվարի, 2024 թ., 09:54

Մոսկվայում ձերբակալվել է ադրբեջանցի հայտնի ֆիթնես մարզիչ Քյամիլ Զեյնալին, գրում են ադրբեջանական լրատվամիջոցները:

Զեյնալին տեսանյութը տեղադրել է Instagram-ի իր էջում՝ հայտնելով, որ Մոսկվայի «Դոմոդեդովո» օդանավակայանից իրեն տարել են ոստիկանական բաժանմունք:

«Նրանք ասացին, որ Հայաստանն իմ նկատմամբ միջազգային հետախուզում է հայտարարել»,- պարզաբանել է նա:

«Ես արդեն երրորդ անգամ եմ Ռուսաստանում, բայց ինձ միայն հիմա են ձերբակալել։ Հուսով եմ մեր (ադրբեջանական-խմբ.) պետական կառույցները կաջակցեն ինձ: Այս պահին ես գտնվում եմ ոստիկանական բաժանմունքում»,- գրել է նա:

Թե ինչու են ՀՀ իշխանությունները հետախուզում հայտարարել նրա նկատմամբ, չի հստակեցվում:

Կարդացե՛ք նաև