Ռուսաստանի Դաշնությունը Երևանից պարզաբանում է սպասում
![]() 2560 Ուրբաթ, 23 փետրվարի, 2024 թ., 18:48 Մոսկվայի համար ելակետային է այն հանգամանքը, որ Երևանը շարունակում է մնալ ՀԱՊԿ-ի լիիրավ անդամ՝ այս կարգավիճակից բխող բոլոր իրավունքներով և պարտավորություններով, սակայն Ռուսաստանի Դաշնությունը Երևանից պարզաբանում է սպասում այս հայտարարության վերաբերյալ։ Այս մասին հայտարարել է ՌԴ ԱԳՆ-ն: «Մեր կողմից կրկին ուզում ենք ընդգծել, որ կտրականապես մերժում ենք Հայաստանի իշխանությունների կշտամբանքները՝ կապված 2021-2022 թվականներին տարածաշրջանում տեղի ունեցած հայտնի իրադարձությունների ժամանակ ՀԱՊԿ-ի կողմից Երևանի նկատմամբ իր մանդատն ու պարտավորությունները չկատարելու առնչությամբ։ Հիշեցնենք, որ 2022 թվականի սեպտեմբերին հայկական կողմի խնդրանքով օպերատիվ կերպով կազմավորվել է կազմակերպության քարտուղարության և միացյալ շտաբի գնահատման առաքելություն, որն ուղարկվել է երկրի սահմանամերձ շրջաններ»,- նշել են ՌԴ ԱԳՆ-ում։ ԱԳՆ-ն նշել է, որ «արդյունքում ՀԱՊԿ Հավաքական անվտանգության խորհրդի կողմից պատրաստվել է որոշում Հայաստանում դիտորդական առաքելություն տեղակայելու մասին»։ «Մեր մեղքով կամ կազմակերպության մյուս անդամների մեղքով չէ, որ այս հավասարակշռված որոշումը, որը նաև նախատեսում էր հանրապետությանը ռազմատեխնիկական օգնություն և մի շարք այլ միջոցներ, մերժվեց նրա իշխանությունների չմտածված պատրվակներով: Դրա դիմաց Երևանը ցուցադրաբար նախընտրեց հրավիրել ԵՄ-ից կեղծ դիտորդների: Հայտնի փաստերն իրենք են խոսում և կասկած չեն թողնում այդ դիտորդների աշխատանքի զրոյական արդյունավետության մասին։ Մենք ելնում ենք նրանից, որ Հայաստանի Հանրապետությունը շարունակում է մնալ ՀԱՊԿ-ի լիիրավ անդամ՝ այս կարգավիճակից բխող բոլոր իրավունքներով և պարտավորություններով»,- կարծում են ՌԴ ԱԳՆ-ում։ Միաժամանակ արտաքին գործերի նախարարությունը «ափսոսանք է հայտնել, որ կազմակերպության միջոցառումներին Երևանի մասնակցության դինամիկան նվազել է, ինչը ակնհայտորեն չի համապատասխանում բարեկամ հայ ժողովրդի շահերին և երկրի անվտանգության ապահովման խնդիրներին»։ «Մենք հուսով ենք, որ Երևանը կհասկանա, որ առկա մտահոգությունները պետք է քննարկվեն և լուծվեն հանգիստ, վստահելի երկխոսության միջոցով, այլ ոչ թե դրանք հանրային տարածքում բարձրաձայնելով։ Մենք երկկողմ խողովակներով համապարփակ բացատրություններ ենք ակնկալում այն մասին, թե իրականում ինչ է կանգնած Հավաքական անվտանգության պայմանագրին և բուն Կազմակերպությունում Հայաստանի մասնակցության սառեցման վերաբերյալ Նիկոլ Փաշինյանի հայտարարությունների հետևում»,- եզրափակել է ՌԴ ԱԳՆ-ն։ |
Հաշվեհարդարի մտադրությունը կանխվել է․ կան ձերբակալվածներ
305Երեկ, 13:12Վաղարշապատի ընտրություններում առաջադրվել է 9 քաղաքական ուժ
148Երեկ, 11:36Հայաստան կժամանի ԵԱՀԿ գործող նախագահը
147Երեկ, 11:18Նիկոլ Փաշինյանը հոկտեմբերի 13-ին կմեկնի Եգիպտոս
26712.10.2025, 19:24ՀՀ ԱԳՆ-ի ցավակցությունը կատարցի դիվանագետների մահվան կապակցությամբ
35912.10.2025, 18:42Նոր նշանակում՝ ՊՆ-ում
28810.10.2025, 22:06Հատուկ բանակային կորպուսի շտաբի պետն ազատվել է պաշտոնից
26810.10.2025, 22:00Նիկոլ Փաշինյանն աշխատանքային այցով ժամանել է Տաջիկստան
26710.10.2025, 01:00