Ուկրաինան կարգավորման ծրագիր կհանձնի Ռուսաստանին

Ուկրաինայի նախագահ Վլադիմիր Զելենսկին հաստատել է, որ Կիևը մտադիր է Շվեյցարիայում կայանալիք երկրորդ համաժողովի ժամանակ Մոսկվային փոխանցել կարգավորման իր ծրագիրը, սակայն հավելել է, որ դա բանակցություններ չի համարում:
Զելենսկին բացատրել է իր գրասենյակի ղեկավար Անդրեյ Երմակի խոսքերն այն մասին, որ հնարավոր է Ռուսաստանին հրավիրել Շվեյցարիայում Ուկրաինայի հարցով երկրորդ համաժողովին։ Նա նշել է, որ Ռուսաստանի ներկայացուցիչներին կներկայացվի միայն համաժողովի մասնակիցների պատրաստած պլանը։
Հարցին, թե ներկայում հնարավո՞ր են բանակցություններ Ուկրաինայի և Ռուսաստանի միջև, Զելենսկին բացասաբար է պատասխանել։
Ուկրաինայի ղեկավարը հավելել է, որ հույս ունի, որ Ուկրաինայի վերաբերյալ առաջին ֆորումը կանցկացվի առաջիկա ամիսներին Շվեյցարիայում, հնարավոր է՝ գարնանը։ Նա չի նշել երկրորդ ֆորումի մոտավոր ժամկետները, սակայն հավելել է, որ Ուկրաինայում «կցանկանային, որ այն տեղի ունենար, թեկուզ՝ ոչ եվրոպական մայրցամաքում»։
Շվեյցարիայի նախագահ Վիոլա Ամհերդը հունվարի 15-ին Ուկրաինայի նախագահների հետ հանդիպումից հետո ասել է, որ խնդրել է Շվեյցարիային կազմակերպել բարձր մակարդակի խաղաղության համաժողով, Բեռնը դրական է արձագանքել այդ խնդրանքին: