«Բա որ բոլորդ սուրբ եք, վանքի հավերն ո՞վ գողացավ». լրագրողը` Միհրան Պողոսյանին

«Բա որ բոլորդ սուրբ եք, վանքի հավերն ո՞վ գողացավ»,- Միհրան Պողոսյանին հարց հղեց «Մեդիահաբ»-ի թղթակիցը: Ոչ մեկ սուրբ չի, մարդը հենց որ ծնվում է, արդեն սուրբ չի, բոլորն ունեն իրենց սխալները, որոնք օր օրի ավելանում են: Նաև՝ աշխատող մարդն է սխալվում: Բայց այսօր մենք ունենք միայն մեկ խնդիր՝ 5 տարի մենք գտնվում ենք մի իրականության մեջ, որի անունը կարելի է դնել կորուստների, պարտությունների, արյան, ամոթի, անարժանապատիվ կյանքի ժամանակաշրջան: Եվ մեր խնդիրն այսօր այդ ժամանակաշրջանը կանգնեցնելն է, բոլորին, ովքեր որ պատրաստ են մի լումա այդ հարցում ներդնել, հավաքագրելն է: Իսկ ես հավատացած եմ, որ մեր հայ ազգն իր ողնաշարը միշտ ուղիղ պահելու հատկությունը ժամանակին հստակ անելու է, այսօր հենց ուղղելու ժամանակն է: Վաղը գլխներիս ենք տալու, եթե ժամանակին չարթնանանք»,- պատասխանեց Պողոսյանը: