5-րդ դարի խունկ է հայտնաբերվել, որը շատ լավ բույր ունի

759

Հինգշաբթի, 07 մարտի, 2024 թ., 00:18

Օհանավանի տարածքում բացված վաղ միջնադարյան ժայռափոր կառույցից հայտնաբերված 56 հնագիտական առարկաններից մեկը խնկաման է։
Առարկան «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի Թանգարանային առարկաների վերականգնման լաբորատորիայում մաքրվել է դարերի փոշուց։ Դարավոր պատմությամբ առարկայի մեջ պահպանվաեն եղել խունկի մնացորդներ, ինչն առիթ է տալիս նոր հետազոտություն իրականացնելու համար։

Հնագետ Աշոտ Փիլիպոսյանը նշել է, որ խնկամանը փոշով է ծածկված եղել և, երբ մասնագետները այն մաքրել են, 5-րդ դարի խունկ են հայտնաբերել, որը շատ լավ բույր ունի։
Դարերի հեռվից մեզ հասած խունկը «Պահպանության ծառայություն» ՊՈԱԿ-ն առաջիկայում կուղարկի հետազոտությա՝ պարզելու՝ ի՞նչ խունկ է և ինչի՞ց է պատրաստված։