«Գուցե Փաշինյանին Քերոբյանի գործի վերաբերյալ ստեր են փոխանցել». փաստաբան

Էկոնոմիկայի նախկին նախարար Վահան Քերոբյանի պաշտպան Տիգրան Եգորյանն այսօրվա ասուլիսի ժամանակ ենթադրություններ կատարելով պատասխանել է այն հարցին, թե Նիկոլ Փաշինյանն ի՞նչ առնչություն ունի Վահան Քերոբյանի գործի հետ։ «Այն, ինչ տեսնում ենք, երկու այդքան էլ կա այն դաշտում, որը չի երևում։ Կաբինետային զեկույցներ են տեղի ունենում, մի մասը պաշտոնական, մի մասը՝ ոչ, և մարդիկ, որոնք ինչ-որ թղթեր են կարդացել, գալիս, ասում են՝ մեր համոզմամբ սենց բաներ կա, չես պատկերացնում՝ ինչեր ենք գտել, բայց թե ի՞նչ են գտել, դա մի հարց է, ի՞նչ է ինքը հասկանում այդ գտածի վերաբերյալ և կամ ի՞նչ է ուզում պատմել, դա ուրիշ հարց է։ Ես ենթադրում եմ, որ եթե այդպիսի աշխույժ դեմքեր եղել են, որոնք սենց աշխուժորեն զեկուցել են իրենց գտածի վերաբերյալ, ապա նրանք տրամադրել են ապատեղեկատվություն, եթե զեկուցվել է, որ Վահան Քրոբյանը կամ էկոնոմիկայի նախարարության այլ աշխատակիցներ, ինչպես հրապարակման մեջ է ասվում, միասնական դիտավորությամբ արարքներ են իրականացրել, ապա դա չի համապատասխանում քրեական գործի նյութերին, չի համապատասխանում իրականությանը, դա միայն իրենց մեկնաբանությունն է և հետևաբար, եթե դրա հիման վրա ինչ-որ որոշումներ են կայացվել, ապա դրանք սխալ են եղել, իսկ թե դրանց հիման վրա են եղել, թե՝ ոչ, այդ տեղեկատվությունը ես չունեմ։
Եթե վարչապետին տրվել է այդպիսի բովանդակությամբ զեկուցագիր, և էսպես կողքից էլ մի երկու փաստեր, որ իբրև թե այ հենց էսպես է եղել, ապա դա ապատեղեկատվություն է եղել»,- ասել է պաշտպանը։