«Կարող էր թղթի վրա գրեր, ուղարկեր, ասեր՝ արհավիրք ա». Փաշինյան

«Սերժ Սարգսյանը 2015-ին ասել էր՝ չի հավակնելու վարչապետի պաշտոնին, 2017-ից հետո կուլիսներում խոսվում էր, որ լինելու է վարչապետի թեկնածու: Հիմա ինքն ասում է՝ ես առաջադրվելու որոշում կայացրեցի, որ կանխեի արհավիրքը: Ընդ որում տեքստից ակնհայտ է դառնում, որ արհավիրք ասելով՝ նկատի ունի ԼՂ շուրջ իրադարձությունների զարգացումը: Լավ, ժողովրդին չէր ասում, ես երբ վարչապետ դարձա, կարող էր գրել թղթի վրա, ուղարկեր, կամ մարդ ուղարկեր, ասեր՝ արհավիրք ա»,- ընթացող ասուլիսի ժամանակ անդրադառնալով Սերժ Սարգսյանի վերջին հարցազրուցներից մեկին, ըստ որի՝ 2018-ին առաջադրվեց՝ արհավիրքը կանխելու համար, ասել է Փաշինյանը: Նշենք, որ Սարգսյանի այդ հայտարարության ու Փաշինյանի՝ ԱԺ ամբիոնից արձագանքի մասին ավելի ուշ հարցազրուց էր տվել «Պատիվ ունեմ»-ից Աննա Մկրտչյանը: