ՀԱՄԱՍ-ը համաձայնել է Գազայում կրակի դադարեցման` ԱՄՆ նախաձեռնությանը

Պաղեստինյան ՀԱՄԱՍ շարժումը համաձայնել է Գազայում կրակի դադարեցման և տեղահանվածների աստիճանական վերադարձի վերաբերյալ ԱՄՆ-ի առաջ քաշած նախաձեռնությանը, հայտնում է Al Arabiya-ն:
Politico-ն ավելի վաղ գրել էր, որ ԱՄՆ նախագահ Ջո Բայդենը կարող է դիտարկել Իսրայելին ռազմական օգնությունը սահմանափակելու հարցը, եթե Թել Ավիվն ընդլայնի իր ցամաքային գործողությունը Գազայի հատվածում:
ԱՄՆ-ի առաջ քաշած նախաձեռնությունը նախատեսում է անկլավում ռազմական գործողությունների դադարեցում և տեղահանվածների աստիճանական վերադարձ։

Միևնույն ժամանակ, ամերիկյան առաջնորդն ընդգծել է, որ հրադադարի մասին համաձայնագիրն արդեն գտնվում է արմատական ​​պաղեստինյան ՀԱՄԱՍ շարժման ձեռքում, և այն ընդունելու որոշումը պատկանում է բացառապես խմբավորման ղեկավարությանը։ Այսպիսով, Վաշինգթոնը զինադադար կնքելու պատասխանատվությունը դրել է պաղեստինյան կողմի վրա։