«Կարևոր է Բաքու-Թբիլիսի-Կարս երկաթուղու շուտափույթ գործարկումը». Դարչիաշվիլի

Վրաստանի ԱԳ նախարար Իլյա Դարչիաշվիլին այսօր Ադրբեջանի և Թուրքիայի ԱԳ նախարարների հետ եռակողմ հանդիպմանը նշել է Բաքու-Թբիլիսի-Կարս երկաթուղու շուտափույթ գործարկման կարևորությունը, գրում են ադրբեջանական լրատվամիջոցները:

«Մենք այսօր քննարկել ենք Բաքու-Թբիլիսի-Կարս երկաթուղու արդիականացումը, նշել ենք դրա շուտափույթ գործարկման կարևորությունը»,- ասել է նա:

Բացի այդ, Վրաստանի ԱԳ նախարարը հավելել է, որ եռակողմ հանդիպմանը քննարկվել են տարածաշրջանային գործընթացները, այդ թվում՝ Ադրբեջանի և Հայաստանի միջև խաղաղության գործընթացը: «Վրաստանը լիովին աջակցում է տարածաշրջանում խաղաղությանը, ինչպես նաև պատրաստ է աջակցություն ցուցաբերել՝ երկարաժամկետ խաղաղության ապահովման համար»,- հավելել է Դարչիաշվիլին: