Շաբաթ, 18 մայիսի, 2024 թ.
|
Ստեփանակերտում`   +11 °C

Ահաբեկիչներից մեկը մարտի 7-ին ևս եղել է Crocus City Hall-ում

Ահաբեկիչներից մեկը մարտի 7-ին ևս եղել է Crocus City Hall-ում
663
Կիրակի, 24 մարտի, 2024 թ., 18:30

Crocus City Hall-ում ահաբեկչություն իրականացրած ենթադրյալ ահաբեկիչներից մեկը օրեր առաջ եկել է իտալացի կատարող Ալեսանդրո Սաֆինայի համերգին։ Այս մասին լրագրողներին հայտնել է լուսանկարչի գործընկերը, ով մարտի 7-ին համերգասրահում լուսանկարել է ենթադրյալ ահաբեկիչներից մեկին։
Ինքը՝ լուսանկարի հեղինակը, հրաժարվել է անձամբ զրուցել լրագրողների հետ, սակայն համաձայնել է հարցերին պատասխանել ընկերոջ միջոցով։

«Նա եկել էր՝ որպես Crocus-ի սովորական այցելու, Ալեսանդրո Սաֆինայի համերգին: Ասում են՝ նա իրեն տարօրինակ է պահել, նստել է բազմոցին ու աղոթել, ինչ-որ բան շշնջացել, հետո տենդագին շրջել սրահով»,- լուսանկարչի խոսքերն է փոխանցում նրա գործընկերը։

Կասկածյալին նկարահանել են նաև «Պիկնիկ» խմբի պաստառի դիմաց։ Մարտի 22-ի ահաբեկչությունը տեղի է ունեցել հենց այդ խմբի ելույթից առաջ:

Ավելի վաղ հրապարակել էինք նրա ձերբակալման տեսագրությունը: