Շաբաթ, 19 հուլիսի, 2025 թ.
|
Ստեփանակերտում`   +20 °C

«Ռաֆահի վրա ցամաքային հարձակումը մարդկային աղետ կլինի». Գուտերեշ

«Ռաֆահի վրա ցամաքային հարձակումը մարդկային աղետ կլինի». Գուտերեշ
605
Երկուշաբթի, 25 մարտի, 2024 թ., 23:00

ՄԱԿ-ի գլխավոր քարտուղարը, ընդգծելով Գազայում հրադադարի անհրաժեշտությունը, նախազգուշացրել է անկլավի հարավում գտնվող Ռաֆահ քաղաքի վրա ցանկացած ցամաքային հարձակման անընդունելիության մասին:

Անտոնիո Գուտերեշն ասել է. «Մերձավոր Արևելքում պաղեստինցի փախստականների օգնության և զբաղվածության գործակալությունը (UNRWA) հատուկ միջոցներ է ձեռնարկում պաղեստինցի փախստականներին աջակցելու համար և գործում է ՄԱԿ-ի կանոնադրությանն ու սկզբունքներին համապատասխան՝ իր բոլոր գործողություններում։ Մենք պետք է գնանք այս ծառայությունների պահպանման ու դրանք շարունակելու ճանապարհով: Մենք հարգում ենք Գազայում սպանված մեր 171 աշխատակիցներին։ Սա մեծ վիճակագրություն է Միավորված ազգերի կազմակերպության պատմության մեջ: Մենք ափսոսում ենք UNRWA-ին որոշ երկրների կողմից ֆինանսական աջակցության չեղարկման համար և հանձնառու ենք աջակցել նրան և մեծացնել նրա գործունեությունը: Մենք պնդում ենք Գազայում հրադադարի հասնելու անհրաժեշտությունը՝ Գազա մարդասիրական օգնություն հասցնելու համար»:

Նա հավելել է, որ Իսրայելի ցանկացած ցամաքային հարձակում Ռաֆահի վրա կուղեկցվի մարդկային աղետով։