Ձերբակալվել է Crocus-ի գործով 8-րդ մեղադրյալը

Մոսկվայի Բասմանի դատարանը ձերբակալել է Crocus City Hall-ում տեղի ունեցած ահաբեկչության գործով 8-րդ մեղադրյալին։ Նա ծնունդով Ղրղզստանից է։ Ալիշեր Կասիմովը կմնա կալանքի տակ մինչև մայիսի 22-ը, հաղորդում են ռուսական ԶԼՄ-ները: Քննության միջնորդությամբ նիստն ընթացել է փակ ռեժիմով։ Կասիմովը գրանցված է Կրասնոգորսկի շրջանում՝ Պուտիլկովո գյուղում, հայտնել են դատարանում։ Անհատ ձեռնարկատեր է, սրճարանի սեփականտեր։ Կասիմովը դատարանում հայտնել է, որ 32 տարեկան է, ամուսնացած է, ունի երեք երեխա, նախկինում դատված չի եղել: Պատասխանելով դատավորի այն հարցին, թե արդյոք իրեն հասկանալի է մեղադրանքի էությունը, Կասիմովը հայտարարել է, որ չի իմացել, որ իր բնակարանը հանձնում է ահաբեկչության հետ կապ ունեցող անձանց։ Նա ասել է, որ ինքը պարզապես հայտարարություն է տարածել, որ բնակարան է վաճառում։ Ենթադրվում է, որ Ալիշեր Կասիմովը բնակարանը հանձնել է ահաբեկիչներից մեկին՝ Ֆարիդունի Շամսուտդինին։