Վաճառքի է հանվել առաջին Xiaomi մեքենան

Նոր Xiaomi SU7-ն արդեն վաճառքում է: Չինական ընկերության պատմության մեջ առաջին ավտոմեքենան արդեն հասանելի է պատվերների համար, իսկ մեքենաները հաճախորդներին կսկսեն մատակարարվել ապրիլի վերջից։ Այս մասին հայտնում է CarNewsChina կայքը։ Ներկայում Xiaomi SU7 էլեկտրական մեքենան հասանելի է միայն Չինաստանում։ Այնտեղ այն արժե 215,900-ից մինչև 299,900 յուան ​​(29,900 - 41,500 դոլար): Արտահանումն այլ երկրներ կսկսվի ավելի ուշ։

Xiaomi SU7 էլեկտրական մեքենան կդառնա Tesla Model S-ի և Porsche Taycan-ի ավելի մատչելի այլընտրանքը։ Պարզեցված հինգ մետրանոց սեդանն իր չափերով համեմատելի է այս մոդելների հետ: Այն ունի 2 բեռնախցիկ և 4 էկրան սրահում։

Հաղորդվում է նաև, որ Xiaomi SU7-ը կառաջարկվի ինքնավար վարման համակարգի երկու տարբերակով՝ տեսախցիկներով՝ պարզ մոդելի հիմնական տարբերակների դեպքում և «առաջադեմ» ավտոպիլոտով՝ լիդարներով՝ թոփային տարբերակների համար:

Նոր Xiaomi SU7-ը կառաջարկվի երեք մոդիֆիկացիաներով.

ստանդարտ - մեկ շարժիչ, 300 ձիաուժ, 5,3 վրկ՝ 0-ից մինչև 100 կմ/ժ արագություն հավաքելու համար, առավելագույն արագությունը՝ 210 կմ/ժ, մարտկոցը՝ 73,6 կՎտժ, հեռահարությունը՝ 700 կմ:

Pro - մեկ շարժիչ, 300 ձիաուժ, 5,7 վրկ՝ 0-ից մինչև 100 կմ/ժ արագություն հավաքելու համար, առավելագույն արագությունը՝ 210 կմ/ժ, մարտկոցը՝ 94,3 կՎտժ, էներգիայի պահուստ՝ 830 կմ:

Max - երկու շարժիչ, 663 ձիաուժ, 2,8 վրկ՝ 0-ից մինչև 100 կմ/ժ արագություն հավաքելու համար, առավելագույն արագությունը՝ 265 կմ/ժ, մարտկոցը՝ 101 կՎտժ, էներգիայի պահուստ՝ 800 կմ։