Շաբաթ, 13 ապրիլի, 2024 թ.
|
Ստեփանակերտում`   +16 °C

ՃՏՊ՝ Մուսալեռ գյուղում․ կա զոհ

ՃՏՊ՝ Մուսալեռ գյուղում․ կա զոհ
195
Երկուշաբթի, 01 ապրիլի, 2024 թ., 10:00

ՀՀ ՆԳՆ փրկարար ծառայությունը հայտնում է, որ մարտի 31-ին, ժամը 23։59-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մուսալեռ գյուղի կամարի մոտակայքում տեղի է ունեցել ՃՏՊ, կա արգելափակված քաղաքացի․ անհրաժեշտ է փրկարարների օգնությունը:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Լ. Դ. դյու Ֆուրնեի փողոցում «Opel» մակնիշի ավտոմեքենան (վարորդ՝ Մ․ Բ․, ծնված 1976 թ․) բախվել է կայանած «GAZ» մակնիշի ավտոմեքենային (վարորդ Ա․ Հ․), այնուհետև բախվել տներից մեկի պատին, ինչի հետևանքվ փլուզվել է պատից մոտ 10 քմ հատված։
Մինչ փրկարարների կանչի վայր հասնելը՝ Մ․ Բ․-ն հոսպիտալացվել է բժշկական կենտրոն, որտեղ արձանագրվել է վերջինիս մահը։
Փրկարարները սահմանազատել են տարածքը, հոսանքազրկել «GAZ» մակնիշի ավտոմեքենան և փակել գազի բալոնի փականը: