Կիրակի, 07 հունիսի, 2026 թ.
|
Ստեփանակերտում`   +15 °C

«167 զոհի և անհետ կորածի կենսագրություն». «ՀայաՔվեն» ավարտեց «վերջին կես տարվա կարևոր առաքելությունը»

«167 զոհի և անհետ կորածի կենսագրություն». «ՀայաՔվեն» ավարտեց «վերջին կես տարվա կարևոր առաքելությունը»
196
Երկուշաբթի, 01 ապրիլի, 2024 թ., 18:48

«ՀայաՔվե»-ն հայտարարություն է տարածել. «Հարգելի՛ հայրենակիցներ,
«ՀայաՔվեն» ավարտեց վերջին կես տարվա կարևորագույն առաքելություններից մեկը՝ Արցախի դեմ Ադրբեջանի վերջին ռազմական ագրեսիայի հետևանքով մեր զոհերի տվյալների հավաքագրումն ու հրապարակումը։ Ընդհանուր առմամբ՝ 167 զոհի և անհետ կորածի կենսագրություն․․․
Հաշվի առնելով, որ իշխանությունները մեր հերոս եղբայրների հիշատակի հավերժացման հարցում հանցավոր անգործություն են դրսևորում՝ «ՀայաՔվեն» 2023-ի հոկտեմբերից 2024-ի մարտ ամիսների ընթացքում, զոհերի հարազատներից հավաքագրելով նրանց սխրանքի ու հերոսության պատմությունները, ամեն օր մեկական կենսագրություն ներկայացրեց։
Առաջիկայում «ՀայաՔվեն» նախատեսում է զոհերի կենսագրականներն ու սխրանքներն ամփոփող գիրք-ալբոմի հրատարակություն՝ որպես հարգանքի տուրք և խոնարհում մեր անմահ քաջորդիներին։
Հիշատակն արդարոց օրհնությամբ եղիցի»:

Աղբյուրը`   «Հայաքվե»