Սերժ Սարգսյանը, «Ֆլեշի Բարսեղը», Գևորգ Հարությունյանը վերջին խոսքով հանդես կգան

ՀՀ երրորդ նախագահ Սերժ Սարգսյանը, Բարսեղ Բեգլարյանը՝ «Ֆլեշի Բարսեղը», Գևորգ Հարությունյանը վերջին խոսքով հանդես կգան։ Երևանի ընդհանուր իրավասության քրեական դատարանում այսօր շարունակվեց պաշպանական կողմի եզրափակիչ ելույթների հրապարակումը, որով կողմը պնդեց արդարացնել մեղադրյալներին, գրում է «Փաստինֆո»-ն։ Դատական նիստը հետաձգվեց։ Հաջորդ նիստում վերջին խոսքով հանդես կգան մեղադրյալները։

Հիշեցնենք, որ քրեական գործով կա 3 մեղադրյալ։ Սերժ Սարգսյանից բացի մեղադրանքներ են առաջադրվել նաև նախկին փոխնախարար Սամվել Գալստյանին, գործարար Բարսեղ Բեգլարյանին։ Ըստ մեղադրական եզրակացության՝ ՀՀ երրորդ նախագահ Սերժ Սարգսյանի կազմակերպմամբ և Ֆլեշ ՍՊ ընկերության սեփականատեր Բարսեղ Բեգլարյանի դրդմամբ, ՀՀ նախկին գյուղատնտեսության նախարարի տեղակալ Սամվել Գալստյանի ու նույն նախարարության բուսաբուծության վարչության պետ Գևորգ Հարությունյանի օժանդակությամբ, ՀՀ նախկին գյուղատնտեսության նախարար Սերգո Կարապետյանի կողմից 2013 թվականի հունվարի 25-ից փետրվարի 7-ն ընկած ժամանակահատվածում ՀՀ կառավարության պահուստային ֆոնդից վատնվել է պետական աջակցության ծրագրերի իրականացման ընթացքում իրացված 15.391.765 լիտր դիզելային վառելիքի համար հատկացված սուբսիդիայի առանձնապես խոշոր չափերով գումարը՝ 489.160.310 ՀՀ դրամը: