Տաջիկստանն ի պատասխան դիտարկում է Թուրքիայի քաղաքացիների համար վիզային ռեժիմ մտցնելու հարցը

Տաջիկստանը դիտարկում է Թուրքիայի քաղաքացիների համար վիզային ռեժիմ մտցնելու հարցը, հայտնել են Տաջիկստանի արտաքին գործերի նախարարությունից։
«Տաջիկական կողմը, փոխադարձության սկզբունքի համաձայն, քննարկում է Թուրքիայի քաղաքացիների համար վիզային ռեժիմ սահմանելու հարցը»,- ասվում է գերատեսչության մեկնաբանությունում։

ԱԳՆ-ն նաև ընդգծել է, որ Թուրքիան դիվանագիտական ​​ուղիներով դեռ չի ծանուցել Տաջիկստանին երկրի՝ սովորական արտասահմանյան անձնագրեր ունեցող քաղաքացիների համար առանց վիզայի ռեժիմի վերացման մասին։

«Միջազգային պրակտիկայի համաձայն՝ թուրքական կողմը պետք է նախապես ծանուցեր տաջիկական կողմին վիզային ռեժիմի ներդրման ժամկետի մասին։ Մենք նշում ենք, որ տաջիկական կողմը դիվանագիտական ​​ուղիներով դեռ նման տեղեկություն չի ստացել»,- ասվում է հաղորդագրության մեջ։