Շաբաթ, 19 սեպտեմբերի, 2026 թ.
|
Ստեփանակերտում`   +16 °C

ՀԱՄԱՍ-ը հերքել է բանակցություններում առաջընթացը

ՀԱՄԱՍ-ը հերքել է բանակցություններում առաջընթացը
1367
Երկուշաբթի, 08 ապրիլի, 2024 թ., 14:06

Իսրայելը և պաղեստինյան ՀԱՄԱՍ շարժումն առաջընթացի չեն հասել Գազայի հատվածում հրադադարի շուրջ բանակցություններում, որոնք ընթացել են Կահիրեում: Այս մասին հայտնել է ՀԱՄԱՍ-ի ներկայացուցիչը: Նշվում է, որ բանակցություններին ներկա են եղել նաև Կատարի և ԱՄՆ-ի ներկայացուցիչները։

Ավելի վաղ եգիպտական Аlekhbariya հեռուստաալիքը՝ հղում կատարելով պաշտոնյաներին, հայտնել էր, որ զգալի առաջընթաց է գրանցվել Գազայի հատվածում՝ իրավիճակի կարգավորման շուրջ բանակցություններում: Հեռուստաալիքի զրուցակիցը նաև ասել էր, որ բանակցությունների ընթացքում կողմերի միջև փոխհամաձայնություն է ձեռք բերվել մի շարք վիճելի հարցերի շուրջ: Նա նշել էր, որ ԱՄՆ-ի և Իսրայելի պատվիրակությունները մի քանի ժամվա ընթացքում կլքեն երկիրը, իսկ ՀԱՄԱՍ-ի և Կատարի պատվիրակությունները կմեկնեն և կվերադառնան երկու օրվա ընթացքում՝ վերջնական համաձայնագիր կնքելու համար: Աղբյուրը նշել էր, որ բանակցությունները կշարունակվեն շուրջ 48 ժամ։

Կարդացե՛ք նաև