«Եվրոպայում պատերազմն այլևս երևակայություն չէ»․ Բորել

1425

Երեքշաբթի, 09 ապրիլի, 2024 թ., 18:36

ԵՄ արտաքին գործերի և անվտանգության քաղաքականության հարցերով բարձրագույն ներկայացուցիչ Ժոզեպ Բորելը կարծում է, որ Եվրոպայում բարձր ինտենսիվությամբ պատերազմը դադարել է երևակայություն լինելուց։ Այս մասին Բորելն ասել է Բրյուսելում կայացած համաժողովում։

«Եվրոպայում բարձր ինտենսիվությամբ պատերազմի հնարավորությունն այլևս երևակայություն չէ։ Մենք պարտավոր ենք անել հնարավոր ամեն ինչ՝ դրանից խուսափելու համար»,- նրա խոսքը մեջբերում է Financial Times-ը։

Բորելի խոսքով՝ ԵՄ-ին անհրաժեշտ են միջոցներ և պաշտպանական մեխանիզմ՝ տարածաշրջանի ներուժն ապահովելու համար։ Նա նաև կոչ է արել թույլ չտալ Ուկրաինայի կործանումը։