Շաբաթ, 16 մայիսի, 2026 թ.
|
Ստեփանակերտում`   +13 °C

Փարիզը տարեսկզբից 600 մլն եվրո է վճարել Մոսկվային․ #Politico

Փարիզը տարեսկզբից 600 մլն եվրո է վճարել Մոսկվային․ #Politico
1472
Ուրբաթ, 12 ապրիլի, 2024 թ., 00:00

Չնայած Ֆրանսիայի նախագահ Էմանուել Մակրոնի բարձրագոչ հայտարարություններին՝ Ուկրաինային աջակցելու անհրաժեշտության մասին, Փարիզն այս տարի Ռուսաստանին ավելի քան 600 մլն եվրո է վճարել հեղուկացված բնական գազի մատակարարման համար, գրում է Politico թերթը՝ վկայակոչելով CREA հետազոտական կենտրոնի տվյալները։

«Ֆրանսիան չի կարող մի կողմից ասել, որ մենք կոշտ քաղաքականություն ենք վարում Ռուսաստանի նկատմամբ, մյուս կողմից էլ, մեծ գումարներ վճարել նրանց»,- ասել է ԵՄ երկրներից մեկի դիվանագետը, որը ցանկացել է անանուն մնալ։

Ֆրանսիայի իշխանությունները պնդում են, որ Ռուսաստանից գազի գնումներն անհրաժեշտ են Եվրոպա մատակարարումներ ապահովելու համար, և որ այդ պայմանագրերը լուծարելն իրավաբանորեն դժվար է: Այնուամենայնիվ, քննադատները կարծում են, որ Փարիզը կարող է ավելի շատ ջանքեր գործադրել ռուսական վառելիքի գնումները կրճատելու համար։