Շաբաթ, 16 օգոստոսի, 2025 թ.
|
Ստեփանակերտում`   +21 °C

Ուկրաինան Գերմանիայից կստանա ևս մեկ Patriot ՀՕՊ համակարգ

Ուկրաինան Գերմանիայից կստանա ևս մեկ Patriot ՀՕՊ համակարգ
14429
Շաբաթ, 13 ապրիլի, 2024 թ., 20:00

Գերմանիան Ուկրաինային կտրամադրի ևս մեկ Patriot հակաօդային պաշտպանության համակարգ։ Այս մասին հայտնում է N-TV-ն՝ վկայակոչելով երկրի պաշտպանության նախարարությանը։ Նշվում է, որ զենքերն ուղարկվում են Ուկրաինայի էներգետիկ ենթակառուցվածքի վրա ռուսական հարձակումների ավելացման պատճառով։ «Ուկրաինայում ռուսական ավիահարվածների հետագա ավելացման հետ կապված՝ դաշնային կառավարությունը որոշել է էլ ավելի ուժեղացնել Ուկրաինայի հակաօդային պաշտպանությունը», - հաղորդում է հրատարակությունը պաշտպանության գերատեսչությունից։
Սա կլինի երրորդ Patriot մարտկոցը, որը Բեռլինից առաքվել է Կիև։
Նախօրեին Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը The Guardian-ին տված հարցազրույցում հայտնել էր, որ հակաօդային պաշտպանության համակարգերի, այդ թվում՝ Patriot-ի զինամթերքը դեռ չի սպառվել, սակայն պակասում է։