ԱՄՆ-ն հայտարարել է, որ Իրանը հարված կհասցնի վաղն առավոտյան
![]() 4440 Շաբաթ, 13 ապրիլի, 2024 թ., 23:48 ԱՄՆ-ն կարծում է, որ Իրանը կարող է հարձակվել Իսրայելի տարածքի վրա ապրիլի 14-ի առավոտյան, հայտնում է Al Jazeera-ն՝ վկայակոչելով ամերիկացի պաշտոնյային։ «Մենք խորապես մտահոգված ենք Իսրայելի վրա լայնածավալ հարձակման հեռանկարով,- ասել է պաշտոնյան:- Մեծ հավանականություն կա, որ Իրանը վաղը, կիրակի վաղ առավոտյան հարձակում կսկսի Իսրայելի վրա»։ Իսրայելական լրատվամիջոցները հայտնում են, որ Իսրայելի վարչապետ Բենիամին Նեթանյահուն շտապ ուղևորվել է Գլխավոր շտաբ։ Առաջիկա ժամերին անվտանգության հարցերով նախարարների կաբինետի հրատապ նիստ կանցկացվի։ Իսրայելի պաշտպանության բանակի խոսնակ Դանիել Հագարին հայտարարել է, որ հակաօդային պաշտպանության համակարգերը գտնվում են լիարժեք պատրաստության վիճակում։ Նրա հայտարարությունը հնչել է այն ժամանակ, երբ Home Front Service-ը թարմացված ուղեցույց է տրամադրել հանրությանը՝ կապված Իրանի հարվածի հնարավորության հետ: Նա նաև ասել է, որ տասնյակ ինքնաթիռներ երկնքում են՝ լիակատար պատրաստության մեջ։ Արտաքին գործերի նախարար Իսրայել Կացը հետաձգել է վաղը նախատեսված այցը Հունգարիա և Ավստրիա։ Իսրայելի բոլոր քաղաքական գործիչներին հրամայվել է մնալ Իսրայելում և չեղարկել բոլոր արտասահման ուղևորությունները: Իսրայելում վաղվա համար բոլոր դասերը չեղարկվում են։ Զանգվածային հավաքների սահմանափակումներ են մտցվում. քաղաքներում սկսել են բացվել հանրային ռմբապաստարանները։ Պաշտպանության նախարար Յոավ Գալանտն օպերատիվ հանդիպում է անցկացրել Գլխավոր շտաբի պետ Հերզի Հալեվիի և պաշտպանության այլ բարձրաստիճան պաշտոնյաների հետ։ |
«Գլխավոր դատախազը թրաֆիքինգո՞վ է զբաղվում». Կարապետ Պողոսյան
12903:12«Հետնիկոլական Հայաստանում պետք է հաստատվի համերաշխություն». Սոս Հակոբյան
13302:06«Լրբերի միջավայրում սրբերը պիտի հալածվեն». Նարեկ Մանթաշյան
15201:18«Հրապարակեք պլանը, ստախոսներ». Լևոն Զուրաբյան
13600:48Իտալական դատարանը թույլատրել է «Հյուսիսային հոսք»-ի պայթյունի համար կասկածվող ուկրաինացու արտահանձնումը Գերմանիային
22400:44«Կան ՔՊ-ականներ, որոնք սպասողական վիճակի մեջ են». Մարգարիտ Եսայան (տեսանյութ)
14400:12Ռուբեն Վարդանյանը միջնորդել է հարցաքննել Նիկոլ Փաշինյանին
261Երեկ, 23:54«Ռուսաստանը նախատեսում է Ուկրաինայում սկսել ևս երկու ծանր հարձակողական արշավ». Զելենսկի
210Երեկ, 23:44