Թբիլիսիում բախումներ են սկսվել ոստիկանների և ցուցարարների միջև

Թբիլիսիում խորհրդարանի շենքի մոտ բախումներ են տեղի ունեցել օտարերկրյա գործակալների մասին օրենքի դեմ դուրս եկած ցուցարարների և ոստիկանության միջև։

Ինչպես տեղական ԶԼՄ-ներին հայտնել է Վրաստանի ՆԳՆ ներկայացուցիչ Թեյմուրազ Կուպատաձեն, չորս մարդ ձերբակալվել է։ Նա չի մանրամասնել, թե ինչ հոդվածով են բերման ենթարկվել ցուցարարները։

Վրացական որոշ լրատվամիջոցներ գրում են, որ վեց անձ է բերման ենթարկվել։

Վրաստանի ՄԻՊ Լևան Իոսելիանին կոչ է արել ոստիկանությանը՝ չմիջամտել Թբիլիսիի խորհրդարանի մոտ «օտարերկրյա գործակալների» օրենքի դեմ բողոքի խաղաղ ցույցին։ «Հանրային պաշտպանը կոչ է անում Վրաստանի ՆԳՆ-ին՝ չմիջամտել հանդիպման մասնակիցներին՝ օգտվելու սահմանադրությամբ երաշխավորված իրավունքից»,- ասված է ՄԻՊ-ի հայտարարության մեջ։